Le të shpëtojmë shkollën “Cor Jesu”
Shkolla fillore e 9-vjeçare “Cor Jesu”, lindur në 1999, ndodhet në një zonë periferike shumë të varfër të Shkodrës në Shqipërinë e Veriut. Jo të gjitha familjet që çojnë fëmijët aty janë në gjendje të paguajnë taksat dhe megjithatë Motrat Apostolike të Zemrës së Shenjtë u sigurojnë këtyre fëmijëve një nivel të lartë arsimimi.
Pas shumë vitesh me bilanc në pasiv, shkolla rrezikon mbylljen përfundimtare, çka do të linte në shtëpi 231 fëmijë. Një realitet kaq i dobishëm e i rëndësishëm nuk mund të mbyllë! Fondet e mbledhura shërbejnë për të paguar personelin arsimor e shkollor, shpenzimet e administrimit të shkollës dhe materialin didaktik për nxënësit. Mbledhja e fondeve është e dobishme për të nisur vitin e ri shkollor në shtator 2020.
Gjithë dhuruesve do t’i nisim falenderime të personalizuara dhe do t’i përditësojmë mbi mbarëvajtjen e vitit shkollor dhe rezultatet e arritura nga nxënësit përmes një newsletter periodik.
Historia
Shkolla “Cor Jesu” gjendet në periferi të Shkodrës, në zonën Mark Lula (më e varfëra e Shqipërisë së Veriut), ku shumë familje katolike të ardhura nga zonat malore rurale e të varfëra u vendosën për t’i shpëtuar shtypjes prej komunizmit. Për dekada kanë pasur akses të kufizuar në edukimin formal e mësimet morale
katolike. Pjesa dërrmuese e tyre zbatonte parimin e drejtësisë “sy për sy” për
mbijetesën. Këto familje kanë përvetësuar me mangësi vlerat njerëzore e të
krishtera të zhvilluara keq dhe nuk janë pajisur për t’iu përshtatur demokracisë së re dhe ekonomisë së tregut të lirë që Shqipëria po përpiqet të zhvillojë. Varfëria e papunësia vazhdojnë të prekin shumë familje dhe të pengojnë dëshirat e tyre për një edukim të fortë për fëmijët.
Motrat Apostolike të Zemrës së Shenjtë të Jezusit erdhën nga Italia në lagjen “Mark Lula” në 1998-n, pas rrëzimit të komunizmit në Shqipëri. Për t’i dhënë edukimin katolik e formimin personal këtyre fëmijëve Motrat ngritën shkollën 9-vjeçare, hapur në 1999-n. Sot ajo administrohet tërësisht nga murgesha shqiptare e personel laik.
Prindërit shprehin admirim e vlerësim për shkollën por shpesh nuk munden as të
paguajnë 1/3 e taksave shkollore. Nga 1999 Instituti ynë e bamirës të shumtë na
kanë ndihmuar të çojmë para këtë vepër të madhe në favor të fëmijëve,
adoleshentëve e në mbështetje të familjeve të varfëra. Në këto 21 vjet shumë
fëmijë të zonës sonë kanë mundur të realizohen shumë mirë duke vazhduar rrugën e tyre të formimit universitar falë përgatitjes dhënë nga shkolla.
Aktualisht jemi të goditur nga problem ekonomik. Në mungesë fondesh, na vjen shumë keq ta mbyllim këtë vepër të madhe humanitare. I kërkoj kujtdo mundet të na ndihmojë për të mos e lënë në mes arsimimin e këtyre fëmijëve.
Duke pasur besim të madh në mirësinë e bujarinë tuaj ju sigurojmë lutjen tonë të përditshme.
Në emër të nxënësve, prindërve, mësuesve e murgeshave.
Motër Angjelina Gilaj, drejtoreshë e shkollës
Mbështet shkollën
APOSTULLET E ZEMRES SE SHENJTE TE JEZUSIT
L.Mark Lula SHKODER- ALBANIA
IBAN: AL 39 208511830000039835931801
SWIFT CODE: USALALTRSH1
SWIFT CODE: USALALTRSH1
INTESA SANPAOLO BANK
Filozofia
Shkolla “Cor Jesu” është një shkollë jopublike që përfshin edukimin parashkollor, arsimin fillor e atë të mesëm. Është akredituar prej Ministrisë së Arsimit e Shkencës me vendimin numër 4 të datës 06.01.1999 për ciklin parashkollor e vendimin numër 122 të datës 22.09.1999 për arsimin bazë. Drejtohet prej Motrave Apostolike të Zemrës së Shenjtë të Jezusit. Arsimimi bazohet mbi frymëzimin pedagogjik të Motrës Clelia Merloni (themeluese e Motrave Apostolike të Zemrës së Shenjtë të Jezusit), e cila e vendos edukimin e plotë të personit nën moton “Edukimi është një vepër dashurie”. Ky edukim përfshin:
- Formimin e njeriut përmes fitimit të njohurisë.
- Formimin e vlerave njerëzore e shpirtërore.
Shkolla “Cor Jesu” ka përshtatur këtë moto si drejtim të aktivitetit të saj edukues. Në këtë shkollë mësohen e kultivohen vlera si dija, dashuria, solidariteti, respekti, falja, harmonia, ndershmëria e vlera të tjera të jetës që ndihmojnë nxënësin të rritet e të zhvillohet në gjithë qënien e vet. Ky formim arrihet përmes procesit të mësimit e përvetësimit, respektit të unicitetit të personit e nxënësit duke u bazuar gjithnjë në filozofinë e krishterë. Ky edukim i kompletuar çon jo vetëm në pjekurinë njerëzore, morale, shpirtërore të njeriut por edhe në angazhimin për të ndryshuar shoqërinë në një mjedis paqeje e barazie.
Shkolla aderon në parimet metodologjike të mëposhtme:
- Njohja, vlerësimi dhe pranimi i vetvetes me aftësitë e kufizimet personale.
- Zhvillimi pa limit i potencialit të personit.
- Ndërtimi i projektit personal të harmonizuar me të mirën njerëzore të përbashkët e të mjedisit.
- Edukimi i nxënësve në marrjen e përgjegjësive dhe në ofrimin e kontributit personal në të mirën e gjithçkaje i rrethon.
- Mbështetja dhe inkurajimi i vazhdueshëm i edukatorit përgjatë procesit edukativ, në mënyrë që nxënësit të zbulojnë e zhvillojnë gjithë potencialin e tyre të brendshëm.
- Sensibilizimi e ndërgjegjësimi i nxënësve për rëndësinë e dashurisë ndaj jetës për të tjerët, për gjithë universin e për atë që ka krijuar gjithçka, Zoti.
Vizioni i shkollës
Shkolla synon të orientojë e të shoqërojë njeriun në gjithë zhvillimin e tij personal, duke e bërë të ndërgjegjshmë dhe duke e ndihmuar të zhvillojë gjithë potencialin e tij, në tentativën për ta kthyer botën në një mjedis dashurie e paqeje.
Misioni i shkollës
Shkolla ndihmon në zhvillimin e kompetencave në aspektin intelektual, njerëzor e shpirtëror, zhvillimin e dinjitetit personal, besimit, ndershmërisë, të drejtës sociale e përhapjes së gjithë vlerave të jetës. Duke u nisur nga ky mision e vizion i shkollës dhe duke nisur me moton “Edukimi është një vepër dashurie” ndjekim – përmes edukimit ofruar nga shkolla jonë – objektivin e transmetimit të njohurive për jetën, të sotmen dhe një të ardhme më të mirë për njeriun e gjithë shoqërinë tonë.
