Objekti: Mbështetje ekonomike ndaj shkollës “COR JESU”

Ju shkruaj në emër të mësuesve, prindërve, studentëve tanë e bashkësisë së murgeshave me një kërkesë të karakterit ekonomik në mbështetje të shkollës sonë “COR JESU”.

Në këtë cast gjendemi në vështirësi të madhe ekonomike dhe na duhet të marrim një vendim të trishtuar: të mbyllim shkollën tonë, këtë ngrehinë të madhe edukimi ngritur në favor të nxënësve të periferisë më të varfër të Shkodrës.

Prej 21 vjetësh shkolla jonë po çohet para nga Instituti i Motrave Apostolike të Zemrës së Shenjtë të Jezusit. Në këtë cast të vështirë ku gjendemi Instituti nuk mund të përballojë më shpenzimet ekonomike.

Aktualisht kemi si nxënës 213 fëmijë nga 4 në 15 vjeç dhe 24 mësues e bashkëpunëtorë që duhet t’i paguajmë çdo muaj. Për shpenzimet e veta shkolla ka nevojë për rreth 70.000 euro në vit.

Kemi shumë besim në bujarinë tuaj për një mbështetje ekonomike që mund t’i jepni kësaj vepre humanitare.

Teksa pres me besim përgjigjen tuaj për fëmijët tanë, ju premtoj lutjen time të vazhdueshme.

Përshëndetje të përzemërta, Motër Angjelina Gilaj

Drejtoreshë e shkollës

Vendi dhe data
27.04.2021 Shkodër

Firma e përfaqësuese ligjore
Angjelina Gilaj