“Kush është Klodiana për mua?
Klodiana është një person i rrallë, konkret, hap zemrën, krijon një raport besimi.
E quaj fatlum çastin kur e njoha. Ka një zemër të madhe, të butë, mikpritëse. Njeh e kupton të mirën, bën interesin e atij që ka nevojë. Nuk tërhiqet pas, është konkrete, kujdeset për problemet sociale. Dëshiron të bëjë të mirën. Beson në atë që bën, di të bëjë 100 gjëra njëherësh dhe s’gjen paqe derisa arrin objektivin. Dashuron punën e vet, është e palodhur, nuk mendon për sakrificat që i kërkohen por është vetëm e lumtur kur rezultatet janë pozitive. Sa do të doja që shumë njerëz të ishin si ajo: pozitive, e vendosur, heroike. Faleminderit, Zot, që e vendose në shtegun tim për të arritur qëllimet që propozon të arrijë shkolla jonë “Cor Jesu”!”.